RELATO CURTO

Todos os nenos e nenas da clase elaboración un relato curto  para participar no concurso organizado polo Centro de Interpretación das Illas Atánticas.
Primeiro informáronse da situación, e das características da fauna e flora das Illas.
Cada grupo tiña unha illa e un paxaro e entre todos inventaron o seguinte relato. Está xenial!!!

OS GARDIÁNS DAS ILLAS

Nunha paisaxe verde azulada,mergullada entre as augas,encontrase a illa de Cortegada  Alí, fai  miles de anos, vivía un curandeiro vello e traballador. Un día de tormenta púxose enfermo,ia morrer.

Unha meiga apareceu e deulle unha poción para ser inmortal,máis con dúas condicións:

 A primeira:  tiña que adoptar a forma dun Vello Loureiro e a  segunda: protexer as illas do parque.

Pasaron os días e o vello Loureiro(así foi o nome que lle puxo a meiga) deuse conta que non  podía facelo so,necesitaba uns gardiáns que protexeran as Illas, e escolleu a tres paxaros. 

Chamou ao seu compañeiro o Lagarto Arnal para que lle axudara a reunilos.

 Arnal, foi a avisar a súa amiga,a Sepia Tinteira, para que escribira no mar a seguinte mensaxe:

“NECESITAMOS AXUDA !

UN PAXARO DE CADA ILLA TEN QUE VIR A  CORTEGADA CUNHA FOLLA  ”

Mentres tanto….

A gaivota patiamarela estaba nas Cíes,cando leu a mensaxe; axiña e veloz colleu unha herba de namorar e foi a avisar a Galán.

Galán,que é o nome do corvo mariño cristado, estaba aseándose as súas plumas da crista na súa guarida, situada na greta máis baixa do Burato do Inferno; asomouse a porta e viu o súa amiga que lle contou a mensaxe de Tinteira….. e decidiu levar unha xesta.

 Pararon  na illa de Sálvora  e alí atoparon na praia a píllara Cantora  afiando a súa voz. Axudáronlle a buscar unha pola de sabugueiro e  preparáronse para continuar a súa viaxe.

Ao chegar a Cortegada a Sirena da praia indicoulles o camiño  da ermida onde se atopaba o Vello Loureiro.

Cando chegaron o Vello alegrouse moito de velos, explicoulle porque os chamara e pediulle unha pluma a cada un, despois chamou a Arnal para que  preparara a poción cos ingredientes que traían: unha flor de namorar,unha pola de sabugueiro,unha xesta,3 follas de loureiro e as 3 plumas dos paxaros.

Eles beberon esta poción e adquiriron poderes máxicos:

_ A píllara co seu peteiro negro, máscara vermella e co seu graznido curto e potente é  capaz de  avisar aos gardiáns das illas das especies invasoras.

_ A gaivota patiamarela cando tócanlle no se peteiro lanza bolas de  lume contra as rochas creando portais e pasadizos segredos.

_  O cormorán crisado ten as plumas da crista máis afiadas e pode lanzar lóstregos cando hai perigo no mar.

Dende aquela di a lenda que sempre que visites un destes arquipélagos poderás ver algún  gardián,que te protexerá,

Pero…. Ollo con non respectar as normas das especies protexidas!

Porque OS GARDIÁNS SEMPRE ESTÁN VIXIANTES  NAS DUNAS OU  AGOCHADOS  NAS ROCHAS.

 Despois de moito traballar o resultado final da foto vivinte foi este!. 

Nas Rías Baixas

Ó oeste de Galicia, preto de Arousa, Ribeira Bueu e Vigo

temos unhas illas para compartir contigo.

Son únicas, salvaxes e as mellores do mundo

con fauna mariña, ata o máis profundo.

No arquipélago de Cíes elévanse fermosos cantís…

E na illa de San Martiño sempre salta algún golfiño.

O arquipélago de Ons está cheo de mexillóns

e coidado coa xesta que pica un montón.

En Sálvora, illas e illotes cheos de brotes,

alí o fillo do fareiro ainda é mariñeiro

Din que en Cotegada encontrarás a túa amada

pero alí non hai ninguén e iso, enfada

Anque as paisaxes das illas fan enmudecer…

e non digamos nada se ves un atardecer

Ven a coñecer a súa beleza  e riqueza

é todo obra da natureza…

                                                                                               Fauna ata o máis profundo....

Os alumnos de 4ºA resultaron GAÑADORES no concurso Rumbo ás illas do Parque Nacional das Illas Atlánticas co seu relato e foto- escena titulada "Os guardiáns das illas".
 O premio será unha viaxe ás illas Cíes con ruta guiada . 

Os alumnos de 4ºB foi ACCÉSIT na súa categoría. Virán facerlles unha visita ó cole para darlles as grazas polo seu esforzo e serán premiados cuns agasallos.

FELICIDADES A TODA A RAPAZADA DA CLASE!!!
         Como vedes o esforzo paga a pena.